خیبر پختونخوا کے ضلع ہنگو میں فیڈرل کانسٹیبلری (ایف سی) کے قلعہ پر فتنۃ الخوارج کے دہشت گردوں کے حملے میں فیڈرل ریزرو پولیس کے 3 جوان شہید ہوگئے، جبکہ جوابی کارروائی میں سہولت کار سمیت 5 خوارج ہلاک ہوگئے۔
ڈی پی او ہنگو کے مطابق فتنۃ الخوارج کے دہشت گردوں نے ایف سی قلعہ کو نشانہ بنایا، واقعے میں فیڈرل ریزرو پولیس کے 3 جوان شہید ہوگئے۔ڈی پی او کے مطابق خارجیوں کے خلاف بھرپور جوابی کارروائی میں سہولت کار سمیت 5 خارجی ہلاک ہوگئے۔ انہوں نے بتایا کہ سہولت کار دہشت گردوں کے ساتھ ملا ہوا تھا ۔وفاقی وزیر داخلہ محسن نقوی نے فتنۃ الخوارج کے حملے میں شہید فیڈرل ریزرو پولیس کے 3 جوانوں کو بھرپور خراج عقیدت پیش کیا۔
دوسری جانب ضلع اپردیر میں پولیس نے خفیہ اطلاع پر دہشت گردوں کے خلاف مشترکہ کارروائی کی ۔ فائرنگ کے تبادلے میں 5 دہشت گرد ہلاک جبکہ 8 پولیس اہلکار زخمی اور ایک شہری شہید ہوگیا۔