شمالی وزیرستان کے علاقے غلام خان کلے میں 22 اور 23 مارچ کی درمیانی شب دراندازی کی کوشش کی گئی، آئی ایس پی آر
پاکستان بار بار افغان عبوری حکومت سے موثر بارڈر مینجمنٹ کےلیے کہتا رہا ہے، آئی ایس پی آر
توقع ہے افغان عبوری حکومت اپنی ذمہ داریاں پوری کرے گی، آئی ایس پی آر
پشاور (غگ رپورٹ) پاکستان کی سیکیورٹی فورسز نے پاک افغان سرحد پر خوارج کی دراندازی کی کوشش ناکام بناتے ہوئے بروقت کارروائی کے دوران 16 خارجی دہشت گرد ہلاک کردیے گئے۔
پاک فوج کے شعبہ تعلقات عامہ (آئی ایس پی آر) کے مطابق خارجیوں نے خیبرپختونخوا کے ضلع شمالی وزیرستان کے علاقے غلام خان کلے میں 22 اور 23 مارچ کی درمیانی شب دراندازی کی کوشش کی، جس پر سیکیورٹی فورسز نے بروقت کارروائی کرتے ہوئے شدید فائرنگ کے تبادلے میں 16 خارجیوں کوہلاک کردیا۔
آئی ایس پی آر کا کہنا کہ پاکستان بار بار افغان عبوری حکومت سےموثربارڈر مینجمنٹ کےلیے کہتا رہا ہے، توقع ہے افغان عبوری حکومت اپنی ذمہ داریاں پوری کرےگی۔
آئی ایس پی آر نے مطالبہ کیا ہے کہ افغانستان خارجیوں کو پاکستان مین دہشتگردی کے لیے اپنی سرزمین استعمال کرنے سے روکے، سیکیورٹی فورسز اپنی سرحدوں کو محفوظ بنانےکے لیے پرعزم ہیں اور دہشتگردی کا خاتمہ یقینی بنائیں گی۔
(23 مارچ 2025)