غگ رپورٹ
خیبر پختونخوا حکومت نے ناقص کارکردگی والے ڈیڑھ ہزار اسکولز اور 55 کالجز کو آؤٹ سورس کرنے کا عمل شروع کر دیا ہے۔ میڈیا رپورٹس کے مطابق چیف سیکرٹری خیبر پختونخوا کے مطابق آؤٹ سورس کیے جانے والے سکولوں میں ضم اضلاع ک500 سکولز بھی شامل ہیں۔چیف سیکرٹری کا کہنا ہے کہ سکول اور کالجز کو آؤٹ سورسنگ کا مقصد معیار کو بہتر کرنا ہے، یقینی بنایا جائے کہ آؤٹ سورسنگ کیلئے ادارے معیار پر پورے اتریں۔
خیال رہے کہ صوبے میں میٹرک کے حالیہ نتائج انتہائی مایوس کن رہے ہیں ، سینکڑوں سرکاری سکولوں میں میٹرک کے نتائج کا تناسب بہت کم رہا ہے ، صوبے بھر میں ہزاروں کی تعداد میں طلبہ فیل ہو چکے ہیں ، بہت سارے ایسے سکول بھی ہیں جن میں کامیابی کی شرح صفر فیصد رہی ہے۔
دوسری جانب محکمہ ایجوکیشن پنجاب نے غریب مستحق اور سپیشل بچوں کو پرائیویٹ سکولوں میں مفت تعلیم دینے کا ہدف مقرر کرلیا ہے۔منصوبے کے مطابق صوبہ پنجاب کے تمام پرائیویٹ سکولوں کو اب 10 فیصد بچوں کو مفت تعلیم دینا ہو گی۔