شہید ہونیوالوں میں حوالدار انعام گل (میانوالی)، سپاہی محمد عمران (ٹانک) اور سپاہی الطاف خان (مردان) شامل تھے، آئی ایس پی آر
پشاور( غگ رپورٹ) خیبرپختونخوا کے ضلع خیبر وادی تیراہ میں تین مختلف مقامات پر سیکیورٹی فورسز اور خوارج کے درمیان فائرنگ کے تبادلے میں 4 خوارج ہلاک کردیے گئے ۔
پاک فوج کے شعبہ تعلقات عامہ آئی ایس پی آر کے مطابق فائرنگ کے تبادلہ میں تین بہادر جوانوں نے جام شہادت نوش کیا۔
شہید ہونیوالوں میں حوالدار انعام گل (میانوالی)، سپاہی محمد عمران (ٹانک) اور سپاہی الطاف خان (مردان) شامل تھے۔
آئی ایس پی آر کے مطابق علاقے میں پائے جانے والے کسی اور خارجی کے خاتمے لیے کلیئرنس آپریشن جاری ہے،پاکستان کی سکیورٹی فورسز دہشت گردی کے خاتمے کے لیے پرعزم ہیں اور ہمارے بہادر سپاہیوں کی ایسی قربانیاں ہمارے عزم کو مزید مضبوط کرتی ہیں۔