سیکیورٹی فورسز نے انتہائی مطلوب دہشت گرد عمر عرف عماری کو بھی جہنم واصل کر دیا، آئی ایس پی آر
ہلاک دہشت گرد ڈپٹی کمشنر شیرانی کے قافلے پر حملے سمیت کئی کارروائیوں میں ملوث تھا، آئی ایس پی آر
کہ دہشت گردوں سے شدید فائرنگ کے تبادلے میں حوالدار جمشید خان شہید ہوئے، آئی ایس پی آر
کوئٹہ (غگ رپورٹ) بلوچستان کے ضلع میں ژوب میں فرنٹیئر کور (ایف سی) کی چوکی پر حملہ ناکام بنادیا گیا اور شدید فائرنگ کے تبادلے میں خودکش حملہ آور سمیت دو دہشت گردوں کو ہلاک کردیا گیا۔
پاک فوج کے شعبہ تعلقات عامہ (آئی ایس پی آر) کی جانب سے جاری بیان میں کہا گیا کہ دہشت گردوں نے صبح سویرے ایف سی چوکی کو نشانہ بنانے کی کوشش کی جسے سیکیورٹی فورسز نے ناکام بنا دیا۔ جوابی کارروائی میں خودکش حملہ اور سمیت 2 دہشت گرد ہلاک ہوگئے۔
ترجمان پاک فوج نے کہا کہ سیکیورٹی فورسز نے انتہائی مطلوب دہشت گرد عمر عرف عماری کو بھی جہنم واصل کر دیا جو ڈپٹی کمشنر شیرانی کے قافلے پر حملے سمیت کئی کارروائیوں میں ملوث تھا۔
ترجمان پاک فوج نے کہا کہ دہشت گردوں سے شدید فائرنگ کے تبادلے میں حوالدار جمشید خان شہید ہوئے، 39سالہ حوالدار جمشید خان شہید ڈیرہ بگٹی کے رہائشی ہیں۔
آئی ایس پی آر کے مطابق سیکیورٹی فورسز کا علاقے میں دہشت گردوں کی ممکنہ موجودگی پر آپریشن کیا جارہا ہے، افواج پاکستان دہشت گردی کے خاتمے کیلئے پرعزم ہیں۔