حلف برداری کی تقریب میں وزیراعظم، مسلح افواج کے سربراہان، وزیراعلیٰ خیبرپختونخوا علی امین گنڈاپور سمیت دیگر حکام نے شرکت کی
سپریم کورٹ کے جسٹس منیب اختر، جسٹس عائشہ ملک و دیگر ججز اور سینئر وکلاء نے بھی شرکت کی
اسلام آباد(غگ رپورٹ) نامزد چیف جسٹس یحیٰی آفریدی نے پاکستان کے 30ویں چیف جسٹس کے عہدے کا حلف اٹھالیا۔ ایوان صدر میں حلف برداری کی تقریب میں صدر مملکت آصف علی زرداری نے جسٹس یحیٰی آفریدی سے حلف لیا۔
حلف برداری کی تقریب میں وزیراعظم شہباز شریف کے علاوہ تینوں مسلح افواج کے سربراہان، وزیراعلیٰ خیبرپختونخوا علی امین گنڈاپور، وزیر اعلیٰ پنجاب مریم نوازشریف، وزیراعلیٰ بلوچستان سرفراز بگٹی، چیئرمین سینیٹ یوسف رضا گیلانی، گورنر گلگت بلتستان سید مہدی شاہ، اٹارنی جنرل منصور عثمان اعوان اور وفاقی وزراء نے شرکت کی۔
تقریب میں سپریم کورٹ کے جسٹس منیب اختر، جسٹس عائشہ ملک سمیت دیگر ججز کے علاوہ سینئر وکلا سمیت مختلف شعبہ ہائے زندگی سے تعلق رکھنے والے افراد بھی شریک ہوئے۔