وزیر اعلیٰ ہاؤس کا فنڈ کھانے اور نوکریاں بیچنے کی داستانیں عام ہیں، گورنرخیبرپختونخوا
جب تک گورنر ہیں، یونیورسٹی کی ایک انچ زمین نہیں بیچنے دیں گے، ڈی آئی خان میں گفتگو
ڈی آئی خان (غگ رپورٹ) خیبرپختونخوا کے گورنر فیصل کریم کنڈی نے کہا ہے کہ وزیراعلیٰ خیبرپختونخوا علی امین گنڈاپور وکٹ کے دونوں جانب کھیلیں گے تو پریشانی ہوگی۔
ڈٰیرہ اسماعیل خان میں میڈیا سے گفتگو کرتے ہوئے گورنر خیبرپختونخوا نے کہا ہے کہ وزیراعلیٰ ہاؤس کا فنڈ کھانے اور نوکریاں بیچنے کی داستانیں عام ہیں۔
انکے مطابق خیبرپختونخوا میں یونیورسٹیوں کے پاس تنخواہیں دینے کے پیسے نہیں ہیں۔ صوبائی حکومت کی جانب سے یونیورسٹیوں کی اراضی بیچنے کے معاملے پر تنقید کرتے ہوئے گورنر خیبرپختونخوا نے کہا کہ جب تک وہ گورنر ہیں، یونیورسٹی کی ایک انچ زمین نہیں بیچنے دیں گے۔