سرکاری حکام کے ساتھ طویل ملاقات ہوئی جس میں صوبے کی امن و امان کی صورتحال پر تبادلہ خیال کیا گیا
اسلام آباد(غگ رپورٹ) پی ٹی آئی قائدین کی جانب سے وزیراعلیٰ خیبرپختونخوا کی گرفتاری یا مبینہ طور پر ‘مسنگ’ کرنے کے بیان پر یوٹرن لے لیا گیا۔
پاکستان تحریک انصاف کی جانب سے جاری بیان میں کہا گیا ہے کہ علی امین گنڈاپور کی اسلام آباد میں سرکاری حکام کے ساتھ طویل ملاقات ہوئی جس میں صوبے کی امن و امان کی صورتحال پر تبادلہ خیال کیا گیا۔
بیان کے مطابق جہاں ملاقات تھی وہاں جمیرز لگے تھے اور موبائل پر رابطہ ممکن نہیں تھا۔
واضح رہے کہ پی ٹی آئی نے وزیراعلیٰ خیبرپختونخوا علی امین گنڈا پور کے 8 گھنٹوں غائب رہنے اور منظر عام پر آنے کے بعد بیان جاری کردیا۔
اس سے قبل وزیراعلیٰ علی امین گنڈاپور اور ان کے اسٹاف سے کوئی رابطہ نہ ہونے پر پی ٹی آئی رہنماؤں نے الزام عائد کیا تھا کہ وفاقی حکومت نے وزیراعلیٰ خیبر پختونخوا علی امین گنڈاپور کو حراست میں لیا ہے۔