گرفتار افراد میں 2 لیڈی وارڈنز، سویپرز اور کیمرا سیکیورٹی چیکنگ پر تعینات اہلکار شامل ہیں، ذرائع
راولپنڈی (غگ رپورٹ) سابق وزیراعظم عمران خان اور انکی اہلیہ بشری بی بی کی سہولت کاری اور جیل سے پیغام رسانی کے الزام میں اڈیالہ جیل کے مزید چھ ملازمین کو حراست میں لے لیا گیا ہے۔
ذرائع کے مطابق گرفتار افراد میں دو لیڈی وارڈنز، سوئیپرز اور کیمرا سیکیورٹی چیکنگ پر تعینات اہلکار شامل ہیں۔
تحویل میں لیے گئے ملازمین کے زیر استعمال موبائل فون بھی ضبط کرلیے گئے، جیل کا لیڈی اسٹاف عمران خان اور بشریٰ بی بی کے لیے سہولت کاری میں ملوث رہا ہے۔
واضح رہے کہ 14 اگست سے اب تک سہولت کاری میں 13 افراد تحویل میں لیے جا چکے ہیں۔