خیبرپختونخوا میں دو متوازی حکومتیں چل رہی ہیں، فیصل کریم کنڈی

ایک حکومت بشری بی بی اور دوسری وزیراعلیٰ علی امین گنڈاپور چلارہے ہیں، گورنرخیبرپختونخوا

پولیس کی قربانیوں کو مانتے ہیں لیکن فوج صوبے سے چلی گئی تو امن کا قیام مشکل ہوگا، گورنرخیبرپختونخوا

امن و امان کی صورتحال پر وزیراعظم کو خط لکھ دیا ہے، سابق وزیراعلیٰ امیرحیدرخان ہوتی کی رہائش گاہ پر گفتگو

پشاور (غگ رپورٹ) گورنر خیبر پختونخوا فیصل کریم کنڈی نے کہا ہےکہ صوبے میں اس وقت دو متوازی حکومتیں چل رہی ہیں۔

مردان میں سابق وزیراعلیٰ اور عوامی نیشنل پارٹی کے رہنما امیر حیدر خان ہوتی کی رہائش گاہ پر میڈیا سے گفتگو میں فیصل کریم کنڈی نے کہا کہ پولیس کی قربانیوں کو مانتے ہیں لیکن فوج صوبے سے چلی گئی تو امن کا قیام مشکل ہوگا۔

گورنرخیبرپختونخوا نے کہا کہ امن و امان کی صورتحال پر وزیراعظم کو خط لکھ دیا ہے، صوبے میں وزیروں کی تعداد مقررہ حد سے بڑھ گئی ہے، کے پی حکومت کو ایک وزیر ڈی نوٹیفائی کرنا ہوگا۔

فیصل کریم کنڈی کا کہنا تھا کہ خیبر پختونخوا میں اس وقت ایک حکومت بشریٰ بی بی اور دوسری وزیراعلیٰ علی امین گنڈا پور چلا رہے ہیں۔